Garrantzitsua

 

 

BITARTEAN, ETXETIK IKASTEN

“Bitartean, Etxetik ikasten” saio berria izango dugu, ETB3a, gaurtik.  Programaren helburua ikasleen hezkuntza-prozesua erraztea izango da, batez ere, etxean euskarri teknologikorik ez duten haurrena. Eskainiko diren edukiak Lehen Hezkuntzako ikasle guztientzat izango dira, baina, batez ere, etapa horretako 1. eta 4.maila bitarteko neska-mutilentzat. Hezkuntza saio hau euskaraz eskainiko da, eta dagozkien curriculumei lotutako edukiak bilduko ditu.

Egunero, 9:00etatik 12:00ak arte, ikasleen curriculumekin loturiko hainbat eduki eskainiko dira. 30 minutuko piluletan, maila bakoitzari dagozkion materiak landuko dira.

Egunean hiru orduko eskola hauetan denetariko gaiak jorratu dira, hainbat ataletan banatuta.

Esaterako, Irakurketarekin goxatzen atalean, egunero, ordu laurden bat eskainiko diote irakurketaren ulermenari, testu ezberdinak oinarri hartuta.

Euskararen gaia Hitzak jolasean tartean landuko da. Ahozkotasunak izango du lehentasuna (hitz-jokoak, aho-korapiloak, ikerketa proposamenak, errezetak, komikiak, ipuinak, bitxikeriak…), idatzizko adierazpena ahaztu gabe.

Mugi-mugi atalak itxialdian gauden bitartean gorputzaren lanketarako ariketak proposatuko ditu.

Hari-mataza tartean, berriz, matematikaren txanda izango da: buruketak, mahai-jolasak, jolas matematikoak, matematikaren eragina egunerokotasunean, buruzko kalkulurako estrategiak, abakoen erabilera, bitxikeria matematikoak, eragiketak egiteko estrategiak…

English cornerean, ingelesaren irakaskuntzara hurbilduko ditu ikus-entzule gazteak (errutina, hiztegia, irakurketa, olerkiak, marrazki bizidunak edota albiste laburrak), beti ere ikusteko euskarriaz lagunduta.

Gizarte Zientziak landuko dira Munduaren birak atalean, eta bertan zuhaitz genealogikoaz eta norberaren bizitzaren kronogramaz jardungo dute, beste gai batzuen artean.

Zientzia edonon sailak, aldiz, honako gaiak jorratuko ditu: metodo zientifikoaren erabilera egunerokotasunean, esperimentazioa eta, oro har, zientziari buruzko dokumentalak ere erakutsiko dira. Teknologia konpetentziari eskainitako denboran, modu errazean, jolasen bidez eraikitzea sustatuko da.

Musikak izango du, berebat, bere lekua. Ttakun-ttakun atalean musika-adierazpena, dantzak, perkusio jolasak eta erritmoak landuko dira.

Eta azkenik, Bitakorak egingo du egunaren itxiera, zer ikasi den errepasatzeko eta ikusleak gune interaktiboan parte hartzera gonbidatzeko.

Animatu zaitezte lagunok! 

Bideoa: 'Bitartean, Etxetik Ikasten' Jaurlaritzaren eta EiTBren ...

KUTURA GARA

EiTBko albistegietako kultura arlotik Kultura Gara ekimena jarri da martxan, sortzaileei zuzenduta. Nahi duen sortzaile orok, bere itxieratik, gizartearekin konpartitu nahi duen kanta, obra zatia, sormen-mezu… bideo batean grabatu eta Kultura gara ekimenera igotzen dute.

Kontzerturik, antzezlanik, emanaldirik… ez dagoen une honetan, sortzaileen eta herritarren arteko haria eten dela iritzita, kulturari eskainitako eremu informatiboetan euskal kultura eta sormena ezagutzera ematen jarraitzea da asmoa.

Sortzaileek egindako lanak ikusi nahi badituzue, sartu ondorengo webgunera eta disfrutatu!

https://www.eitb.eus/eu/kultura/bideoak/

Honetan, ikusi ahalko duzue Txirri, Mirri eta Txiribitonen 48 urteak nola balkoi batetan ospatu duten. Horrez gain, Kerobia, Huntza taldea, Zea Mays… eta talde gehiagotako partaideak entzun ahalko dituzue beraien etxeetatik abesten.

 

GUGGENHEIM

Gaur Guggenheim egiten digun proposamenarekin natorkizue. Itxita egon arren, Museoak bizi-bizi jarraitzen du barrutik, eta bertako arteak kanpora irten nahi du. Horregatik, Museoaren inguruko konturik interesgarrienak, ezezagunenak eta berezienak erakutsiko dizkizuete, arte hori guztia zuengan bizi dadin.

Astero, bertako adituek beren ikuspegi propioa partekatuko dute, eta dena erakutsiko dizuete: begien bistakoa… eta ezkutukoa.

Anima zaitezte, sartu webgunera eta ikusi zer nolako artelanak dituzten!

https://www.guggenheim-bilbao.eus/eu/guggenheimbilbaolive

 

ELIBURUTEGIA

Bermeoko Udal Liburutegia itxita dago, hori jakina da. Baina toki desberdinetan jakinarazi dute eLiburutegiaren aukera balia dezaketela liburutegiko kideek: Interneten bidez eduki digitalen irakurketa errazten duen plataforma da; irakurketa hori streaming bidez, ordenagailuarekin edo gailu mugikorretatik egin daiteke. Gainera, orain, ikus-entzunezkoak online ikusteko aukera ematen du.

Honetara sartu ahal izateko, liburutegi-zerbitzua@euskadi.eus -ra mezu bat idatzi behar da eta honen bitartez zure erabiltzailea eta kodea lortuko duzu.

El Departamento de Cultura y Política Lingüística constata que los préstamos en eLiburutegia se han duplicado.

DOWN SINDROMEAREN NAZIOARTEKO EGUNA

Martxoaren 21ean, Down Sindromearen nazioarteko eguna izan dugu.

Sindrome hau daukaten pertsonak oso bereziak direlako, guk aipamen bat egin nahi diegu. Baina ez fisikoki desberdinak izateagatik, edota astiroago erantzuten dutelako… Hurrengo bideoak azaltzen digu zergatik diren bereziak, irakurri arretaz!

Egun honen aipamen modura, nik kaltzerdi desberdinak jantzi ditut! Ikusi argazkia!
2020-03-21